魏浚笙想留鬚變Man啲

魏浚笙（Jeffrey）及陳曉東（東東）昨日到將軍澳出席《愛心滿東華》慈善活動記者會，Jeffrey日前在IG求教醫治眼挑針良方，他說︰「最近拍戲有特技化粧，左眼整污糟咗少少，入咗眼搞到敏感。」他又透露因夜瞓兼食無定時，出現胃酸倒流問題，現時拍戲前會盡量先吃飽。此外，向來青靚白淨的他想留鬚轉形象，「過多幾年睇下會唔會有鬍鬚造型，大個仔想man啲。」

同場的東東即將帶家人去台灣探望太太親友，順道環島遊。原來他近日忙於宣傳新歌，被兩位千金投訴：「兩個女問我做乜近日返香港，唔捨得詐晒型，太太都投訴我無時間陪佢，所以今次宣傳後會放假，九月第二波宣傳再返嚟。」

採訪、攝影︰Steven