勁冧「姐姐」林夏薇 周嘉洛自爆曾試姊弟戀

林夏薇、周嘉洛與陳庭欣（Toby）昨日宣傳新劇《寵愛Pet Pet》，薇薇與嘉洛在劇中大玩姊弟戀，現實中二人相差九歲，嘉洛預告與「姐姐」薇薇有咀戲︰「不過係蜻蜓點水式。」薇薇自言現實中從未試過與「弟弟」談戀愛，「因為我無接觸過（姊弟戀），起初都擔心，但拍完就推翻固有想法，覺得年齡唔係問題。」問嘉洛可試過姊弟戀？他得戚說︰「點會未試過？人生未試過姊弟戀，點算係人生。」他指舊愛較自己大兩、三歲，分手原因就不欲多談。

同場的Toby帶三歲愛犬「肥Win」到場，她笑指愛犬太胖要減肥，雖然曾帶愛犬行山減磅，豈料行了一半便要抱牠落山，所以尋求減肥方法。在劇中飾演失婚闊太的她，拍攝時帶鸚鵡Shabu客串，她笑言不敢再帶鸚鵡開工，因擔心工作人員教牠講粗口。

採訪、攝影︰Pauline