邀雲浩影合作歷時3年 古巨基︰每年只做一件事

古巨基（基仔）的音樂企劃「I Really Love To Sing」來到第八炮，今次合作歌手是雲浩影（Cloud），二人合唱1995年基仔的歌曲《順風車》。基仔透露二人首次合作，過程歷時三年，「由前年我哋聯絡開始，到舊年錄音，今年就拍mv，我哋每年只做一件事，歷時好耐、製作精良。」

Cloud稱三年前參加《全民造星III》後，還未與唱片公司簽約、未出道做歌手便收到前輩基仔的電話。Cloud憶述︰「我嗰陣時收到電話，即刻同媽咪講︰『係古！巨！基！呀！』我仲迫佢同媽咪say hello。」她坦言對基仔的印象，是其演出的電視劇《還珠格格》及《情深深雨濛濛》，透過這次合作，對他加深認識。Cloud表示︰「認識到佢一絲不苟嘅一面，好認真、好有要求，好開心佢搵我去做呢個project。」