鄭裕玲示範神級執生 佐藤健派心放題冧粉絲

日本男神佐藤健昨日到中環出席珠寶品牌活動，吸引大批女粉絲到場圍觀，佐藤健拍照時主動派心心，冧爆全場。擔任活動司儀的鄭裕玲（Do姐）更即場展示執生技巧。

佐藤健昨日獲邀出席珠寶品牌活動，發生了一段小插曲，正當司儀鄭裕玲介紹佐藤健出場，卻一直未見男神現身，Do姐隨機應變，即時改叫ERROR成員郭嘉駿（193）出來讓傳媒拍照，直到佐藤健現身。佐藤健一出場即以廣東話打招呼及自我介紹，他說︰「今次嚟香港無諗過大家咁熱情，所以我都好感謝大家。」又表示好開心見到香港fans。

Do姐受訪時，被讚執生技巧，她即笑言︰「咁貴請我嚟梗係有原因嘅，不過呢啲場面都一定有試過㗎啦，其實我見到193都好開心。」問Do姐還想跟哪位男神見面？她表示未見過的都想見。談到近日開通網上頻道，可會訪問佐藤健？Do姐表示暫時不會透露。

採訪、攝影︰Pauline

美術︰梁政敏