孖葉振棠胡楓開騷 李龍基獲未婚妻送油畫冧爆

胡楓（修哥）、葉振棠、李龍基及Joe Junior昨日為本月底舉行的《雙生双識演唱會2023》綵排，不但獲好友米雪及區瑞強帶一箱雪梨探班，又即席合唱《月亮代表我的心》；李龍基的年輕未婚妻Chris送上人像油畫，預祝開騷順利。李龍基及葉振棠笑言要向修哥請教跳舞，修哥則說︰「基哥同棠哥唔使準備啦，佢哋可以隨時上台表演，反而我要向佢哋同Joe Junior請教。」

李龍基笑指這次演唱會的口號是「321」，皆因四位小生的歲數加起來，正好321歲。問到可會互唱對方歌曲？李龍基坦言起初有想過︰「但試問有邊個唱《忘盡心中情》唱得好過棠哥？」修哥聞言笑說︰「我、我、我、我，我想講我唱得唔夠佢好。」另外，提到獲未婚妻送上油畫，李龍基開心指起初不知情，「不過依家我有個要求，就係想佢幫我哋四個畫一幅畫，希望開騷前完成。」至於本月底生日的Joe Junior，指生日願望是「人人身體健康，天下太平，人人有騷做」。

採訪︰Pauline

攝影︰林良明