任直播騷主持發台瘟 江美儀狂食螺絲道歉︰執生能力差

視后江美儀前晚為無綫直播節目《明愛暖萬心》擔任嘉賓主持，負責簡介不同演出環節。美儀在節目尾聲竟然發台瘟，即使低頭望實「貓紙」照讀稿，依然不停「食螺絲」，頻頻停頓，場面十分尷尬。事後，美儀在IG發文道歉︰「對唔住呀！因為我live show經驗尚淺，出場又唔夠冷靜，執生能力又差，就係我嘅『甩漏』令原本滿分嘅show，依家變得不完美！我向大家道歉，我會好好反思，下次一定會做好自己！」

美儀又搞笑自嘲道︰「雖然我係『甩轆』，但係我無『甩look』！」不少圈中好友留言安慰美儀，李佳芯說︰「live show對演員來說不容易，你已經好叻！」唐詩詠亦說︰「十幾頁紙，真係好難，好靚呀！」