舉行首個粉絲聚會 羅啟豪遇400名熱情「豪殼」

《中年好聲音》季軍羅啟豪（Ramon），前晚於M+舉行首個粉絲聚會，吸引400人參與，場面非常熱鬧，一眾「豪殼（羅啟豪粉絲）」一早到場，在大型布景前打卡。Ramon不但獻唱歌曲，更走下台跟大家打招呼，豪殼即蜂擁上前爭相集郵，令Ramon無法脫身。

羅啟豪獻唱《為你鍾情》揭開序幕，連唱多首歌後，他便跟豪殼玩遊戲，拉近大家距離。Ramon更刻意走到觀眾席，跟大家打招呼，表現親民。豪殼近距離見到Ramon，即大為興奮，爭相上前捉實他合照，場面一度失控，全靠好友兼司儀陳早怡幫忙解圍，Ramon才能在混亂中脫身返回台上。

Ramon受訪時，對首個粉絲聚會能吸引400人參與，自覺好大規模，希望日後陸續有機會跟粉絲互動。他說︰「之前都想搞fans聚會，但早排返咗英國，一直抽唔到時間。」談及未來動向，Ramon已放棄英國的生活及事業，在港展開歌手之旅，「我希望可以推出自己原唱嘅歌，雖然我唔識作曲，但我都想做一個多元化嘅音樂人。」

希望做多元化音樂人

另外，談到樂壇競爭大，偶像歌手排山倒海，Ramon即笑謂無想過跟年輕一輩歌手競爭，自覺已經好幸運。他笑言︰「以前嘅我太怕醜，無可能好似依家咁做訪問，比賽過程令我學識面對鏡頭、觀眾、評審、陌生人，令自己大膽去講嘢。」而《中年好聲音2》近日進行海選，Ramon透露自己的粉絲及朋友都有參與面試，之前向他徵詢意見，他非常鼓勵大家去追夢。

採訪︰Pauline

攝影︰林良明

美術︰梁政敏