奪視后反而無工開？ 江美儀否認遭TVB投閒置散

江美儀及吳業坤（坤哥）昨日出席籌款節目《明愛暖萬心》記者會，日前有報道指美儀憑《下流上車族》勇奪視后之後，工作量反而減少，盛傳因她拒做TVB「親生女」而遭投閒置散。她否認說︰「呢個係誤會，我本身有套劇九月開，但因為準備問題押後到年尾。同埋我同TVB係一年一套劇，而且我有自己工作，幫佛教團體拍YouTube節目，做埋製作人。」她透露跟無綫的合約至2026年，問到會否考慮轉做無綫親生女？笑說︰「公司有叫，要再傾，我唔可以唔理經理人感受。」

同場的坤哥透露有感日籍太太濱口愛子經常留守家中，怕她苦悶，於是領養一隻松鼠狗女「白湯」，順便體驗一家三口生活。他指太太已適應香港生活，識聽廣東話及搭巴士出入，又表示太太亦有意參與幕前演出。若果太太拍親熱戲會否介意？他笑言︰「唔睇！佢唔鍾意性感打扮，如果拍親熱戲要加錢，因為我同佢都未拍過咀戲。」

採訪︰Pauline

攝影︰林良明