爆媽媽跟方太學煮餸 古天樂自認為食有口福

古天樂（古仔）日前到上環拍攝銀行代言廣告，在廣告中一展廚藝。自稱廚藝不精的古仔，透露平時甚少下廚，只懂烹調簡單菜式如蒸肉餅，「有人話煮嘢食可以減壓，但煮餸要好多步驟，對我嚟講反而仲攰。」幸好古媽媽煮得一手好菜，他說︰「我媽咪最初都唔係好識煮嘢食，都係睇電視跟方太（方任利莎）學煮餸。」

多年來保持fit爆身形的古仔，直認其實是一個嘴饞的人，他笑言︰「辛苦搵嚟志在食嘛，而且我一日只係食一餐，唔係一定要食佳餚，炸雞、pizza我都會食嘅。」早年已開設中餐廳的他，會否擴充飲食版圖？古仔表示︰「暫時又無呢個諗法，但我成日都會試菜，有咩想食就會叫廚師煮，食完OK就會推出。」