無辜被追債 黃劍文遭冒認「情騙」女粉絲

早前參與《中年好聲音2》海選面試的歌手黃劍文，近日竟遭一名忠實女歌迷追債，令他大感莫名其妙。黃劍文接受本報訪問說：「三月中，有位粉絲喺我嘅社交網不斷留言叫我還錢，我經理人主動聯絡佢了解，當經理人話要報警處理，佢就話唔想，然後刪走晒叫我還錢嘅留言。」

劍文以為事件告一段落，豈料日前經理人收到女歌迷來電，要求他還錢，無辜被追債的他說︰「經理人要求對方提供對話cap圖，見到頭像係我個樣，仲用我平時用開嘅頭像，用埋Kimman Wong呢個名。」經了解後，相信有人冒認劍文情騙，皆因騙徒盜用劍文身份，與女粉絲以「老公」、「老婆」相稱，更向受害人借了五萬元買虛擬貨幣。劍文立即報警備案，並在IG公開事件，「因為女粉絲被呃嘅唔止錢，仲有呃感情，希望大家唔好受騙！」