化大戲粧感覺新鮮 劉穎鏇愈演愈過癮

劉穎鏇（Tiffany）在劇集《超能使者》及《隱形戰隊》中，大曬fit爆身材和大展身手，令觀眾留下深刻印象。在新劇《靈戲逼人》中，Tiffany再有大突破，她飾演二幫花旦兼動作替身，在外國長大的她坦言從未接觸過大戲，「從來無想像過自己會演粵劇，之前專登向唱開大戲嘅auntie請教，學下唱腔同造手，現場都有師傅指導，盡量模仿到個神韻。」每次化粧、整頭都要至少兩小時，但Tiffany大呼好玩，更愈演愈感興趣。提到劇中有不少動作場口，雖然Tiffany有不少打戲經驗，但認為各有難度，「相比之前嘅埋身打鬥，今次要挑戰揸劍嚟打，有一定難度。」