周潤發自爆賭神寒背真相

由谷德昭主持的ViuTV節目《爆谷一周》，前晚一集邀得周潤發（發哥）、柯煒林（Will）及盧慧敏（Amy）任嘉賓，宣傳新片《別叫我"賭神"》。電影中，發哥因跑步領悟人生，現實中的他也是跑步發燒友，他自言希望改善健康而跑步，又重提電影《賭神》中的經典「賭神背影」，「大家見到張相我有少少寒背，其實係真，因為條腰企唔直，跑步之後鬆番就舒服咗。」

發哥嘗試帶領身邊人一起跑步，包括張達明及盧海鵬（鵬哥）。提到達明當年患癌後一直收埋自己，發哥說︰「我見佢做完電療，成條頸黑晒，所以叫佢一齊跑步，依家我唔跑佢都自己跑。」至於鵬哥，發哥見對方獨居，便帶他跑步，「由最初接佢去跑，遞隻腳上車都遞唔到，到依家跑完一齊食嘢，幾開心。」他表示有風水師揚言鵬哥只能活到79歲，「所以我帶佢跑步，跑到80歲就唔理佢。」