ViuTV歌唱真人騷《全民造星V》由五月開播以來，33歲的香胤宅（Lyman Heung）一直是大熱人選。由94強一直殺入十強，每次表演，其一舉手一投足都極其吸晴，獲網民大讚其演出「完全將節目質素升呢」，更被網民選為三甲之一。
香胤宅在夏威夷出世，香港長大，但自小入讀國際學校，在英國肯特大學讀戲劇和劇場藝術研究，中文水平相當有限。小時候的Lyman相當活潑好動，父母為他安排了大量課外活動，包括曲棍球、游水、跳舞、話劇、畫畫、少林功夫等等。Lyman說︰「我對動作好有興趣，媽咪提議我學拉丁舞，因為我可以做佢嘅partner，當時我11歲，學咗幾個月覺得有啲悶，後嚟老師安排咗一個細我一年嘅女仔同我一齊跳，我先有番興趣，起碼大家同一level。」自此，成就了Lyman在美國紐約成為一位拉丁舞導師。
11歲學拉丁舞
2020年，Lyman成為紐約百老匯音樂劇《芝加哥》全國巡迴演出成員，但疫情令演出煞停，Lyman無奈要面對停工。去年底他決定參加《全民造星V》，雖然舞台經驗豐富，但他坦言兩者各有不同壓力︰「演出百老匯嘅壓力，一定係同時兼顧跳、唱、演；而參加《全民造星》嘅壓力，係要講中文同睇中文，同時摸索拉丁舞、歌舞劇嘅經驗，融唔融合到呢度嘅文化，好彩大家嘅反應係positive（正面）。」
提到導師韋羅莎大讚他具備明星的條件，更獲網民貼他為三甲之選，Lyman謙虛地說︰「我不嬲無同人比較，我係好enjoy個台，但我仲要學習，因為好多舞都唔識，例如街舞，仲有唱歌。」他坦言未計劃未來去向，目前只想好好享受舞台。同時Lyman不介意公開已婚身份，他指太太Zoe一直很支持，「我哋都係好尊重舞台。」
撰文︰黃曉妍
攝影︰陳健珊
美術︰梁政敏
▲Lyman在團體賽表演「雌雄同體」獲評判們激讚。（FB圖片）
▲小時候的Lyman十分精靈可愛。（IG圖片）
▲Lyman選擇最擅長的跳舞表演，獲五盞燈成功晉身十強。（FB圖片）
▲三年前與拍拖12年的Zoe結婚，太太也是藝術工作者。（IG圖片）