劇集《隱門》今晚大結局,飾演黃智雯弟弟的阮浩棕,表現獲觀眾好評;雖然不少人以新人形容他,但其實他已入行十年。阮浩棕出身於演藝世家,祖母為已故藝人梁舜燕,但他沒靠關係,從加入藝員訓練班默默耕耘,感恩近年獲不少機會,但遺憾已聽不到嫲嫲的讚美。
阮浩棕在《隱門》的戲份貫穿全劇,他坦言收到劇本時大感壓力,「我明白機會非常難得,一定要好好把握!經驗話畀我知要放鬆,但難免有無形壓力。拍攝時,我覺得自己過分謹慎同小心,後來拍多幾部劇集,再睇番《隱門》演出,就覺得自己太緊張。」緊接《隱門》播出的新劇《靈戲逼人》亦有阮浩棕演出,他自覺慶幸,「今年入行第十年,仍然有好多觀眾唔識我,成日都話呢個新人幾好。其實我做新人都做咗十年,但明白離開過TVB,過去值得留意嘅作品唔多,觀眾未識我係正常不過。」
阮浩棕出身於演藝世家,嫲嫲是已故資深演員梁舜燕,爸爸是著名導演阮惠源,二叔阮惠熊及姑媽阮曼莉亦做過演員。阮浩棕從小已甚有表演慾,「媽咪預咗我會行呢條路,所以同我約法三章,無論我做咩都好,讀完大學再諗。到我決定入行,我第一個話畀嫲嫲知,仲記得自己講過一句,『希望將來唔被人嗌我係你個孫,而你係我嫲嫲!』幾咁心高氣傲!」後來,他幫手籌備梁舜燕入行60周年晚宴,過程中了解嫲嫲的過去,才反省自己原來不知天高地厚,「我實在好大膽,能夠做到佢嘅一半?唔係,就算係做到佢三分之一,已經好厲害!」
難忘《EU超時任務》嫲孫合作
想到離世的嫲嫲,阮浩棕不禁眼濕濕,「啱啱入藝訓班,我最希望三代同堂合作,雖然做唔到,但拍《EU超時任務》似圓咗半個心願,因為可以同嫲嫲合作,絕對係最美好嘅回憶!嫲嫲對我影響最大,幾個孫入面佢最錫我,諗番真係好多遺憾。由我入行開始,每次演出,嫲嫲都會讚,周圍同人講我係佢親孫,好叻仔演得好好,但我無接受佢嘅讚賞,因為我覺得我做咩佢都覺得好㗎啦!好遺憾依家我終於有少少成績,但再聽唔到佢嘅讚美。」
17年,阮浩棕一度離巢北上發展,後來重返無綫,戲份漸漸增多,除了《靈》劇,還演出《異空感應》及《非常檢控觀》。他坦言演藝路未算一帆風順,幸好靠過去經驗慢慢鋪墊,逐漸成長,希望將來的作品能讓觀眾滿意。「我會觀察自己有咩不足,希望慢慢改善,(想做男主角?)我相信任何演員都想做主角,希望有循序漸進嘅過程。」
【一按睇片】
撰文︰楊安莉
攝影︰林君茹、馮凱宜
美術︰梁政敏
-
脂肪肝|男子患嚴重脂肪肝常胃酸倒流 不用吃藥靠2招3個月減11磅 擺脫3種病改善脂肪肝 |
|
-
外遊注意丨搭飛機遇氣流揀錯位 隨時有生命危險空姐爆料3大最差座位 |
|
-
超市大搜查︱消委會+《LDK》精選12款星級推薦牙膏 不含重金屬致敏物 强效去漬防口臭 |
|
-
外遊注意|住酒店掛「請勿打擾」牌不用執房 酒店職員呻好心做壞事 寧願這樣做更方便 |
|
-
健身遇險︱壯男舉重力竭遭壓胸呼吸困難 背心女秒提80kg槓鈴助脫困 |
|
-
失明危機|26歲女與貓咪玩險失明 遭寄生蟲感染 視力模糊僅剩0.2 |
|
-
保單逆按自製長糧 | 充裕退休儲備 + 保障家人GET!(附個案說明) |
|
-
-
-
胸悶、頭脹、手腳麻痺?黃祥興不靠藥物 1個月拆走血管炸彈 重拾醒神健康 |
|
-
私密處痕癢、灼痛、異味來襲 Grace教路:每日1粒解決「私密」問題 |
|
-
-
唔止面黃 生痘痘 長期攰都可能肝損傷 黃祥興逆轉肝機能 慶幸及早護肝 |
|
-
您也可能喜歡...
-
昔日師奶殺手合體開騷 陶大宇孖吳啟華張兆輝「倒轉地球」
|
-
主持《歐洲鐵騎遊》憶辛酸史 袁偉豪拍《鐵探》瘦到皮包骨
|
演《隱門》獲觀眾好評 阮浩棕遺憾聽不到嫲嫲梁舜燕讚美 - 晴報 - 娛樂 - 人物 - D230630
演《隱門》獲觀眾好評 阮浩棕遺憾聽不到嫲嫲梁舜燕讚美 - 晴報 - 娛樂 - 人物
劇集《隱門》今晚大結局,飾演黃智雯弟弟的阮浩棕,表現獲觀眾好評;雖然不少人以新人形容他,但其實他已入行十年。阮浩棕出身於演藝世家,祖母為已故藝人梁舜燕,但他沒靠關係,從加入藝員訓練班默默耕耘,感恩近年
https%3A%2F%2Fskypost.hk%2Farticle%2F3559215%2F%E6%BC%94%E3%80%8A%E9%9A%B1%E9%96%80%E3%80%8B%E7%8D%B2%E8%A7%80%E7%9C%BE%E5%A5%BD%E8%A9%95%20%E9%98%AE%E6%B5%A9%E6%A3%95%E9%81%BA%E6%86%BE%E8%81%BD%E4%B8%8D%E5%88%B0%E5%AB%B2%E5%AB%B2%E6%A2%81%E8%88%9C%E7%87%95%E8%AE%9A%E7%BE%8E
https://skypost.hk/article/3559215/演-隱門-獲觀眾好評-阮浩棕遺憾聽不到嫲嫲梁舜燕讚美
https://resource01-proxy.ulifestyle.com.hk/res/v3/image/content/3555000/3559215/E032_01_a_20230630_L.jpg
https://resource01-proxy.ulifestyle.com.hk/res/v3/image/content/3555000/3559215/
娛樂
人物
007
3559215
503
503011002
娛樂 人物
演員,壓力,TVB,黃智雯,隱形戰隊,隱門,阮浩棕
娛樂,娛樂人物職業,演員,健康醫療,健康養生,壓力,實體詞,品牌,TVB,實體詞,人物,黃智雯,實體詞,電視/電影/電台節目名,隱形戰隊,實體詞,電視/電影/電台節目名,隱門,實體詞,人物,阮浩棕
嫲嫲 阮浩棕 梁舜燕 觀眾 隱門 讚美 世家 演員 戲份 爸爸 導演 好評 劇集 結局 黃智雯 弟弟 機會 阮惠源 二叔 阮惠熊 過程 姑媽 訓練班 關係 壓力 阮曼莉 任務 條路 無綫 藝員
2023-06-30
演-隱門-獲觀眾好評-阮浩棕遺憾聽不到嫲嫲梁舜燕讚美