專心練歌免演出失準 ANSONBEAN閂IG戒上網

陳毅燊（ANSONBEAN）、陳宗澤（CY）及樂隊ToNick等，前晚演出《Sun-Live演唱會》。ANSONBEAN自言最近多了不少演出，為專心準備，決心戒掉手機癮，所以刪除IG手機程式。ANSONBEAN與CY曾參加《全民造星III》，二人對於今屆《造星V》師弟亦各有心水。

陳毅燊與陳宗澤因《造星III》而成為好友，對於今屆《造星V》十強陸續誕生，唱功了得的CY最欣賞亨仔（陳鎮亨）：「我鍾意亨仔，因為我哋都鍾意唱歌，佢唱得好好，睇下有無機會合作。」ANSONBEAN則比較喜歡Taco（黃泓祖）及希晉（王希晉），「希晉唱得好投入又表達到情感，Taco每次都好清楚傳達到訊息，好勁。」

ANSONBEAN提到同門師姐鄭欣宜「潛水」近兩個月，他自言甚少八卦別人的事，又自爆已刪除IG App，所以變得脫節。他說：「因為呢排多咗演出，之前有時都會失準，希望自己練習得充足啲，所以短暫戒手機。」至於CY目前努力戒澱粉質，「我戒咗澱粉質一個月，目標想睇落削啲，依家減咗七、八磅。」

ToNick推舉趙善恆除衫

同場的ToNick將於暑假聯同樂隊KOLOR參與一個大型沙灘音樂節，問四子屆時會否只穿泳褲獻唱？他們笑言擔心除衫無人睇，揚言只會穿潛水衣，或推舉主音趙善恆（恆仔）除衫。恆仔笑說：「到時睇下情況，就算我唔除，KOLOR都會除衫。」他們指沙灘上眾人都會穿泳裝，若他們反其道而行，改以西裝上陣，可能會更搶鏡。

採訪：Pauline

攝影：林良明

美術：梁政敏