廖子妤自爆跟男友半同居

廖子妤（Fish）與軒琴居老闆娘兼前港姐翁嘉穗，昨日拍攝品牌的梳化廣告。問到是否重金禮聘Fish拍攝？翁嘉穗說︰「呢個係秘密，不過我哋花好多心機，好開心搵到Fish做代言人。」Fish得知老闆娘是港姐冠軍十分驚訝，覺得相當榮幸。Fish笑說︰「我係一個好宅、好黐家嘅人，對我嚟講所有家品都係屋企人，我好鍾意留喺屋企，亦成日瞓梳化。」

Fish表示若女生有條件和能力，搬出自住更有私人空間，她亦甜絲絲自爆跟男友盧鎮業（小野）半同居，「男友周不時上嚟我屋企幫手煮飯，有個人等自己返屋企，係好sweet嘅！」至於翁嘉穗昨日獲丈夫鄔友正探班，已20年沒有參與幕前演出的她，正考慮開設網上頻道，與網民分享扮靚及減肥心得，Fish即表示︰「我都想知你平時點保養。」

採訪、攝影︰Pauline