《隱門》陰險陷害奶奶 黃智雯預告︰大結局再癲啲

劇集《隱門》快將大結局，「心月」黃智雯受心魔影響變奸，在前晚一集中，眼見「葉嘯天」吳岱融推「奶奶」盧宛茵落樓梯後，不但未有出手相救，更瘋狂寸爆奶奶。及後，當黃智雯得悉奶奶大難不死但中風後，即加以糟質，表現兇狠猙獰的一面。觀眾看得相當肉緊，大讚黃智雯黑化後的演技更加出色。

談到角色在結局周大暴走，智雯坦言看到劇本時十分驚訝，並預告會向葉嘯天大反擊︰「去到最後有場戲，心月會還擊佢老豆16巴，我覺得嗰場戲好震撼，相信觀眾睇得好爽，因為心月已經忍咗20集。我覺得最後五集唔會令大家失望，呢集未算癲，大結局會再癲啲。」她笑言，沒想到黑化後的心月更加「入屋」︰「的確同我本人好大反差，我演得好爽，再次多謝Amy姐（監製王心慰）畀呢個角色我。」