自嘲無業好得閒 周潤發預告瘋狂謝票

周潤發（發哥）、袁詠儀（靚靚）、柯煒林和安志杰等主演的新片《別叫我"賭神"》將於後日在港上映。前晚電影在apm舉行首映禮，發哥難得現身，吸引大批市民塞爆商場，場面墟冚。發哥受訪時自嘲「鄉下仔出省」，笑言︰「有啲驚，未見過咁多人，好震撼。」談及日前到戲院謝票，發哥指觀眾反應正面，更笑言下次跑完步去謝票，「我朝早六點幾跑步，唔知有無咁早場次。」靚靚即提議跑黃昏場，發哥即說︰「無所謂，我都無嘢做係失業人士，可以走早、午、晚、宵夜場都得，有無子夜場？」

另外，問到會否考慮開拍續集？發哥指靚靚角色已死，如果要開拍，要改名做《我唔係好精神》，靚靚大讚發哥轉數快，經常追問他吃甚麼補腦食品，發哥陰陰嘴笑，場面惹笑。

攝影︰林良明