簽資深DJ打造最強團隊 林盛斌盼做司儀界教父

林盛斌（Bob）創立的棋人娛樂昨日慶祝成立九周年，Bob宣布成立主持團隊，招攬電台DJ及主持包括余迪偉、葉文輝（啤梨）、黃天頤、容羨媛和鄧洢玲（阿旦）等合作。Bob坦言︰「過往曾經同歌手合作，但我哋唔係做音樂起家，最終要搵第三方幫手，所以都係做番自己熟悉嘅嘢。」問及是否要做司儀界教父，他笑言︰「咁大頂帽？我頭大未有資格，不過希望將來可以。」他又強調與多位主持只是深度合作而非挖角︰「我哋只係中介公司，絕對唔夠膽挖角，加上樂易玲睇住我大。」

新城DJ啤梨坦言看好有前景才決定加盟，「棋人喺馬來西亞、澳門、內地都好多工作，Bob係老闆做唔晒，我哋呢啲後輩幫手頂下。」另外，阿旦笑言︰「好開心Bob發掘到我外在美同內在嘅潛質，（唔再穿泳衣？）着唔着都得，最緊要靚同視乎顧客需要。」

採訪、攝影︰Steven