化身「定價揸Fit人」拍廣告 姜皓文購物最愛格價

姜皓文（黑仔）最近以偵探造型，化身「定價揸Fit人」為競爭事務委員會拍攝最新電視廣告。廣告由《手捲煙》導演陳健朗執導，黑仔說︰「今次以偵探造型拍攝，追查唔公平嘅交易。廣告係想表達公平競爭條例信息，一個供應商係唔可以干涉其他分銷商轉售貨品嘅價格。」閒時愛購物的黑仔必定會格價，「睇下貨品價錢係咪公道，有啲價錢相差好遠，格完價買嘢自己會安心啲。不過通常我買完之後，都會有人同我講去第二度買會再平啲，我話千祈唔好講畀我聽。」

提到與陳健朗合作，黑仔透露之前欣賞對方的作品，大讚陳健朗的拍攝手法，「今次我哋用電影方式拍攝，好能夠營造氣氛，我覺得幾得意，亦好鍾意呢個故事氣氛。同陳健朗導演合作好開心，我哋有傾過未來有合作機會。」