重口味慎入 肥媽啜完伍仲衡再咀周吉佩

肥媽（Maria Cordero）、周吉佩（吉吉）及伍仲衡等日前出戰《獎門人I Love爸爸感謝祭》，在「傳紫菜」遊戲中，肥媽連環喪啜伍仲衡和吉吉，相當重口味。

本周日播出的《獎門人》，由曾志偉帶領「獎老」阮兆祥、錢嘉樂及麥美恩等擔任主持，兩隊嘉賓陣容均來自《中年好聲音》，有「靠實力」隊的肥媽、周吉佩、李佳、林鉫徫、魏嘉信、李思林和劉智衛，對戰「衡車好聲音」隊的車婉婉、伍仲衡、龍婷、顏志恒、支嚳儀、曹敏寶和梁浩銓。

在「開心無敵傳紫菜」環節中，肥媽起初捉住伍仲衡不斷啜，後來伍仲衡反客為主，主動出擊捉實肥媽，場面爆笑。及後，輪到周吉佩、劉智衛及肥媽傳紫菜，豈料該塊紫菜突然飛走，令肥媽與吉吉意外咀嘴，肥媽搞笑「投訴」兩位男士︰「佢哋兩個都鍾意咬人嘅！」

龍婷玩急口令似雞叫

來到「開心無敵口噏噏」環節，龍婷被急口令考起，因她「咯咯聲」般唸出「個個國家嘅國歌都係用嗰個國家嘅國家級歌星唱國歌嘅」，負責估答案的顏志恒忍不住問︰「係咪雞呀？」認真搞笑。

撰文︰倪小珊

美術︰梁政敏