為留港出廣東歌 陳曉東連失搵錢機會

昨日陳曉東（東東）現身新城電台，宣傳新歌《燒光了火柴》，他自言無心插柳下打造出舊作《劃火柴》的延續版，他搞笑稱︰「下次可能唱首《打火機》。」去年十月在西九室外場地舉行個唱，東東透露被粉絲催促開part 2，不過今年不少場地也爆滿，希望明年在紅館開騷。他表示今年放較多時間在音樂上，「多咗時間喺香港，嚟緊做幾首唔同風格嘅廣東歌，所以推咗幾部戲同綜藝騷。（放棄搵錢機會？）係呀，不過值得，因為可以做自己喜歡做嘅事。」

此外，問到東東留港期間可與方力申（小方）見面，他指未有機會，提到小方有新戀情，東東回應︰「我未見過小方女友，朋友之間唔會問呢啲。（催小方快啲生仔？）婚都未結，（過兩招畀佢？）船到橋頭自然直，唔會亂畀指示。（分享經驗？）駛鬼咩，唔會刻意八卦。」

採訪、攝影︰Steven