挑戰底綫 陳柏宇教小學生上堂偷食

陳柏宇（Jason）、陳子豐、米露迪及黃雅慧（咖喱），昨日出席ViuTV節目《我想身體健康》及《返學啦老豆》記者會。在《返學啦老豆》中，兩位爸爸Jason和陳子豐化身「小學雞」，到訪學校體驗上堂，但片段中Jason竟教學生上堂偷吃東西，似有教壞小朋友之嫌？Jason解釋︰「小朋友喺可接受範圍內，唔係教佢哋純粹聽話，而係教佢哋點去探索條底綫。」

Jason自爆大女Abi經常挑戰他的底綫，「唔單止佢成長咗，我都成長咗，對佢嘅脾氣愈嚟愈好，我嘅目標係要小朋友有思考能力，自己判決啱定錯，唔係要佢聽話。」提到三個月大的細女Audrey，他搞笑說︰「頭兩年唔使點諗佢，佢生存到、唔死就得，你就贏。」

採訪、攝影︰Pauline