獲汪明荃稱讚算最威 泰臣宣布離巢無綫

現年47歲的演員翟凱泰（泰臣）前日在IG連環出帖，宣布跟無綫結束十年賓主關係。泰臣與楊詩敏（蝦頭）同樣由舞台劇踩過界踏入電視圈，二人經常合作扮鬼扮馬，不過他們先後離開TVB；泰臣分享昔日在無綫的工作花絮，回味十年電視生涯，感觸良多。

泰臣前日撰長文，表示踏入六月要再次起步，他自言一邊看電話相片，一邊回顧跟每個製作組、每個相中人的各種工作經歷，令他十分感觸：「熱到癲嘅外景、凍到僵嘅廠、亢奮回魂嘅萬歲、廿人衝去轉粧嘅live騷、等到懷疑人生嘅大雨…彷彿一轉眼嘅事。」

入電視圈父親最開心

回望過去十年，泰臣自問思想較以往成熟，道理領略多了，人與人關係深交了，而認識他的觀眾層亦擴闊不少，他相信自己在無綫十年，所得的必定良多。「點估到自細睇《430（穿梭機）》、《新紮師兄》、《季節》、《大時代》長大嘅（我指我老豆），會見到個仔上台慶呢？呢個（由）舞台界過界去電視嘅新人，有被阿姐（汪明荃）讚過，算叫做威過下。」

泰臣感恩獲得不少機會，又得到前輩提點引路，同時亦感謝無綫台前幕後工作人員的知遇之恩。他最後笑說︰「慶幸無唔見過手機，兼有畀錢養住個cloud（雲端），開心搵到呢批相，留住大家一齊笑嘅樣，笑聲有包埋，喺我記憶度，my friends, see you。」

撰文：倪小珊

美術：梁政敏