協助湯洛雯查案搵命搏 袁鎮業寒冬落水險休克

劇集《隱門》周一播出以來，劇情發展充滿懸疑性，Madam楊忻曉（湯洛雯飾）鍥而不捨追查兇殺案，舊愛兼下屬甘小新（袁鎮業飾）全力協助。袁鎮業戲份比以往多，不但跟湯洛雯有感情綫，更要挑戰不少動作場口，相當有發揮。

劇中的甘小新總是不斷在Madam Yeung身邊，兩人是一對舊情人，Madam Yeung拒絕小新的求婚後，變回朋友關係，同時在工作上是一對好拍檔。在充滿懸疑和沉重的劇情中，兩人的關係為觀眾帶來輕鬆感覺。袁鎮業接受本報電話訪問，他表示︰「《隱門》係我入行以來較多戲份嘅一個角色，好多謝Amy姐（監製王心慰）一直畀好多機會我。其實小新角色設定係一個暖男，好重友情同感情，好有義氣。」他表示劇中兩度下海，拍攝時正值是12月寒冬，浸在水中足足一個小時，「上水真係有啲休克嘅感覺，幾乎要叫救護車，不過我堅持演埋佢。其實第二集都好大挑戰，為咗幫靚湯（湯洛雯）執番啲錢，由三、四層樓高跳落海，好刺激！」

陽光男孩派福利

袁鎮業笑言原來非首次跟靚湯合作，「對上一次係佢2012年參選港姐，我嗰時仲做緊舞蹈員。今次同佢合作可以話係一拍即合，佢真人同角色一樣咁爽快，大家溝通唔使轉彎抹角。」身材高大的袁鎮業，劇中兩度落水均無機會騷肌，不過他在IG就大派福利，引來網民瘋狂畀讚及留言，他一臉尷尬謂︰「我一到夏天就鍾意出海曬太陽，久唔久都會分享泳褲相嘅，多謝網友支持！」

撰文︰楊安莉

美術︰梁政敏