批評《一舞傾城》遭王晶怒罵 李婉華︰咁鬧人唔得喎

最近李婉華與林子博、杜挺豪開直播期間，狠批無綫劇集《一舞傾城》內容露骨，在電視台黃金時段播出，有教壞細路之嫌。《一》劇製作人王晶日前在微博發文反擊︰「李婉華喺TVB係屎戲之王，我電影用過一次嚇到剪咗大半，喺度扮識，識就唔使無得撈，死埋去加拿大啦，仲有個乜嘢博，去英國都無得博㗎啦，去執垃圾啦！想喺網上欺凌阿叔？因住你啲仔女被鬼仔欺凌好過啦！」

前晚婉華再與兩位拍檔開直播，強調只是對事不對人，婉華表示︰「唔好咁勞氣，我好尊重前輩嘅，晶哥拍三級片我哋無講，素海霖（繪麗奈）拍AV戲，我都支持，呢啲係成年人嘅決定，只係套劇放喺電視播，會影響埋電視台同觀眾。」她重申在合家歡時段播放，要小心處理，又說︰「做人對得住自己先，唔係針對你，晶哥，但你咁樣鬧人，唔得喎，你無控制自己喎。」