陳山聰爆2歲囝囝勁冧劉佩玥

陳山聰、劉佩玥（Moon）、張振朗和劉穎鏇（Tiffany）等前晚出席劇集《奪命提示》煞科宴，該劇拍足五個月，山聰感恩劇集慢工出細貨︰「演員有時間休息同消化劇本，避免殘樣出鏡。」山聰又大爆兩歲囝囝陳霆軒（Jaco）「癡戀」拍檔Moon︰「我有次約林子善、Moon去主題樂園玩完再去食飯，Jaco連食飯都要拖住Moon姐姐。」他又指開工期間跟Jaco視像通話時，囝囝亦第一時間找Moon姐姐。

此外，張振朗因為拍劇經常受傷，而獲封「地獄黑仔王」，拍攝《奪》劇時眉骨受傷，他說︰「已經康復，留咗少少疤痕仲有型。」他透露獲公司度身訂造開拍旅遊節目，將與袁偉豪駕電單車歐遊十天，「每日要揸200、300公里，我都未試過喺外地揸電單車，相信會非常享受。」

攝影︰林良明