孖李靄璣主持英語節目 李昭南預告暑假大解放

李昭南（Mishy）和李靄璣（Rikko）等昨日出席港台全新英語節目《Vibrant Hong Kong（非凡香港）》的開鏡儀式，Mishy和Rikko首次合作已默契十足，Rikko表示︰「雖然係錄影節目，但我哋當直播咁做，拍得好順利，仲可以早收工。」

身材惹火的Mishy，昨日激罕密實打扮現身，她表示︰「我本身係一個怕醜又保守嘅人，返香港之前，喺華盛頓係做新聞主播，如果要性感就拍劇啦，或者好似之前拍台灣節目要扮美人魚，先會性感，要睇下咩場合。」不過她預告「濕身」︰「嚟緊暑假會有個大型綜藝節目，有機會要落水，應該會有啲競技賽。」