主持HOY TV《東呃西騙》 Ben Sir無懼與《東張》比較

Ben Sir（歐陽偉豪）、七仙羽師傅、林泳淘和敖嘉年等，昨日出席HOY TV全新節目《東呃西騙》拜神儀式，節目拆解不同騙案，以警惕世人小心受騙。有指節目內容及logo都跟無綫《東張西望》十分相似，會否擔心被比較？Ben Sir答︰「有比較有傷害，我哋無比較就無傷害。」而前《東張》主持林泳淘則謂︰「《東張》涉獵嘅範圍比較多，而我哋比較娛樂性，最初搵我時未知叫《東呃西騙》，係後來先改。」Ben Sir直言不怕惹怒TVB︰「大台有大氣度，大家節目都唔同東西，東西係一個好普通嘅字眼。」

另外，之前有線新聞主播離職，跳「花兒舞」告別錄影廠，有指公司要求刪片，七師傅大表驚訝︰「係咩？我頭先跳咗一半。」Ben Sir即說︰「咁你下半年無嘢做㗎喇，快啲唸經化解啦。」

採訪︰Pauline

攝影︰林良明