再演奸角升呢鷲哥2.0 吳岱融︰今次更喪

陳展鵬、黃智雯和吳岱融（Hugo）等主演的劇集《隱門》昨晚首播，故事圍繞十惡不赦的賊王葉嘯天（吳岱融飾），是監製王心慰為吳岱融度身訂造。他在劇中角色凶狠殘暴，在服刑期間咬甩囚犯耳仔，但因尺度問題最終被刪剪。吳岱融坦言演得辛苦又大壓力︰「成日要將個轉數tune到好高，因為要投入角色，好似睇咩都唔妥，而且好多動作場面，體力同腦力都用盡。」

外界難免將葉嘯天與《巨輪II》「鷲哥」相比，吳岱融表示︰「高天鷲係有錢嘅惡人，葉嘯天係無錢嘅惡人，因為無錢所以不擇手段，今次更癲、更喪。」相信他能繼「鷲哥」後，再創經典角色。