首次做主持 曾比特怕NG累街坊

曾比特（Mike）、黃山怡（糖妹）及陸浩明等，昨日出席無綫J2台真人騷《我要瞓鬥》拜神儀式。節目參賽者要捱過製作組安排的各種刁鑽「催」眠任務及考驗，成功捱過60小時，可贏取港幣10萬元獎金獎品。糖妹表示今次拍攝首度玩「輪更」︰「一班素人、藝人參賽者要連續拍60個鐘，主持就輪住做，我負責日更，Mike就通頂做夜更。」

首度任節目主持的Mike，坦言擔心「腦筋轉唔切」︰「我目標係唔好NG阻礙進度。」問二人是否習慣捱眼瞓？糖妹自言拍劇期間，每天最少有兩小時休息，不過她說︰「喺無人嘅休息室瞓會好恐怖，前年拍《新四十二章》，鄺潔楹同江嘉敏喺錄影廠擺張凳輪住瞓，有朋友喺度點都好啲。」Mike則透露入行前參加比賽，試過每天只睡一小時便要起床。

採訪︰Pauline

攝影︰林良明