傳與吳卓羲分手 菊梓喬︰我唔清楚

菊梓喬（Hana）前晚舉行尾場個唱，身穿銀色露腰裝的Hana一改清純形象，與男舞蹈員大跳辣身舞，又不時自摸，十分狂野。Hana在encore環節時突然感觸，自言這些年來變得愈來愈強，相士亦指她已過最壞的時候。騷後，提到相士指她黑氣已過，Hana笑說︰「相士批我45歲後的運勢好鬼勁，會昇華十倍。」維基百科曾指她現年41歲，很快便迎接好運？她即澄清自己實質只有37歲，「講大話會折福㗎。」

另外，談到緋聞男友吳卓羲沒有現身支持，更有傳二人已分手，Hana只說︰「我唔知道，我真係無乜請朋友。（你有請佢？）我唔係好清楚。（佢無捧場有否失望？）我有好多朋友嚟捧我場，佢哋都係不請自來。（吳卓羲又唔自己嚟？）I don't know。」