拒與老公對戲免傷感情 謝安琪冧爆張繼聰驚喜探班

謝安琪（Kay）昨日以一身大狀造型亮相，她透露在新劇《法與情》與師傅余安安，在法庭展開師徒對決。為了應付大量法律專用語的對白，Kay事前向律師朋友詢問意見，她又表示上一次拍劇已是八年前的無綫劇《殭》，心情難免有點緊張。會否找老公張繼聰對戲排練？Kay即說︰「無呀，因為對白好似審犯咁，怕影響大家感情。」問到阿聰可有探班？Kay甜笑謂︰「有一次喺一幢七層唐樓拍攝，我同佢講如果行七層樓嚟探班就係真愛，點知佢突然出現，係sweet嘅。」

至於COLLAR成員李芯駖飾演Kay的助手，首次拍劇的她坦言與眾多前輩合作壓力很大。另外，提到蘇芷晴（So Ching）離隊後近況，當得知對方重操故業再教跳舞，芯駖表示︰「佢嘅任何動向，我哋都支持同關心，（會唔會跟佢學跳舞？）我都想呀，一定會見番嘅，總之希望佢一切安好。」