J2創意總監被調職 C君重返幕前︰重新學嘢

組合農夫早前被爆與無綫合約期滿，不再續約，當時成員C君（鄭詩君）回應稱暫時專注音樂方面。C君前年被曾志偉委以重任，成為J2台創意總監，他前晚錄影全新綜藝節目《咁你都唔識》。忽然由幕後重返幕前，問到是否被「燉冬菇」？C君提高八度說︰「總經理（曾志偉）話《咁你都唔識》啱我做喎，叫我去學嘢囉，依家由幕後轉做幕前，直頭升呢啦。其實我鍾意做幕後，鍾意創作畀人做㗎嘛，咁總經理叫到，唔通唔做咩。」

問到現時與無綫是何種合約，C君表示是其中一種藝員合約，問到現時在無綫的職位？C君不斷推說︰「問總經理啦，我都要問番佢，（J2台職務係咪叫停？）一定要停啦，總經理叫我主持，我就分唔到心啦，應該咁講，叫做暫停J2台嘅職務。」

採訪︰Pauline

攝影︰林良明