與李思捷舌戰 黎耀祥自嘲過氣視帝

無綫遊戲節目《思家大戰》第三季將在本月14日起逢周日晚播出。今季打頭陣邀得黎耀祥（祥仔）率領劇集《輕．功》拍檔龔慈恩、朱晨麗、鄭子誠及鄭俊弘等，對戰由家庭觀眾組成的隊伍。

一向口不擇言的主持李思捷，開首即與祥仔大玩口水戰，思捷問道︰「想問你哋係咪識輕功同練氣功？」祥仔即反問︰「我哋拍過一套劇集叫《輕．功》，你係咪無睇呀？」思捷沉思數秒後答︰「梗係有睇，集集都有睇。」祥仔反窒對方︰「掛住瘟女！」思捷知衰即向祥仔笠高帽︰「你呢個視帝祥都幾犀利，唔係識輕功，就係做殺手，再唔係就係拳王，咩都畀你擸晒喇喎！」祥仔搞笑回應︰「我淨係兩個字先做㗎。」全場大叫視帝，祥仔即謙稱︰「我依家係四個字，過氣視帝！」大方自抽贏盡掌聲。