落選港姐梁家琪2千萬置業 陳庭欣︰甘拜下風

昨日陳庭欣（Toby）、郭秀雲和歌手陳逸璇等，到立法會出席《要求分階段逐步禁止使用老鼠膠板》記者會。近日以2,108萬元購入豪宅特色戶的落選港姐梁家琪，亦有現身記招，立即成為全場焦點。

陳庭欣和落選港姐梁家琪，參選港姐年期相隔12年，二人一起受訪時，談及新一屆港姐正進行招募，2010年港姐冠軍Toby搞笑謂︰「我啲朋友已經過晒資格（參選年齡），有啲比較早婚，可能叫佢哋個女報名。」而現時為無綫娛樂新聞台主播的梁家琪，則表示會邀請合適的朋友參加。提到日前以逾二千萬元購下大埔白石角新盤，單位是約851呎連平台及天台的特色戶，被問及剛榮升業主的心情，身旁的Toby不禁露出艷羨目光︰「嘩！真係甘拜下風！」家琪則表示︰「其實係媽咪畀首期，我一個負責供樓，要搵多幾份兼職，好畀心機做嘢先得。」

直認入行為興趣

對於單位創下該樓盤樓呎價最高紀錄，家琪淡然說︰「都符合我心目中嘅價位，用嚟自住，（唔怕離電視城太遠？）我外景工作比較多。」會否怕被指靠父蔭？家琪絕不擔心︰「會靠努力證明自己。（可會擔心被指富貴港姐打風流工？）唔可以咁講，（TVB出名人工低？）我入呢行係為興趣，所以開心就得。」

採訪、攝影︰Steven

美術︰梁政敏