食用安全︳港女貪平花$100誤買「無肉榴槤」網民：睇形狀都知出事【附揀榴槤5大技巧】

發佈時間: 2023/05/10

近期榴槤當造，經過生果檔時總會聞到陣陣榴槤香味，但要小心「中伏」。一名港女在網上發帖吐苦水，指自己日前買了一個榴槤，結果回家切開後驚見果肉只得1條及2粒，事主不禁大呼：「貪平就出事了！」

同場加映：

管家王︳疫情+工作3年未見家人胡慧沖人在外地更念父母恩

該女街坊昨日（9日）於Facebook群組「香港榴槤關注組（嚴禁廣告）」發帖，指自己近日於生果檔以$100買了一個榴槤，而榴槤由攤檔大叔替她選擇。她指在購買時職員曾經開榴槤，「係咁意開一開最大嚿肉嗰邊畀我睇」，結果回家開榴槤後，卻發現所謂較大果肉其實只得1條，另一邊果肉甚至只得兩小粒。

{{hket:inline-image name="345884050_1687868904959899_6078696319353517402_n.jpg"}}{{/hket:inline-image}}

從她上傳圖片可見，榴槤劏開後果肉少得可憐，只得1條及2粒的金黃色果肉，其餘全是白色不能吃的部分，內裡空空如也。

網民：可以攞嚟整榴槤乾

此事引來網民熱議，不少人指榴槤只有可憐的丁點肉，「營養不良」、「有試過一嚿肉都無」、「納豆咁大」、「買到榴槤公啦」、「可以攞嚟整榴槤乾」。

5招挑選新鮮又多肉的榴槤

「榴槤貴族」負責人Steve早前接受《晴報》時指出，貓山王D197是產自馬來西亞的榴槤品種，亦是眾多榴槤品種中味道最濃的一款。由於其果肉呈金黃色，故有「榴槤黃金」之稱，一直深受不少港人愛戴。以下為5個挑選新鮮又多肉的榴槤方法：

Steve指揀馬拉榴槤時，可用雙手搖晃榴槤來檢查果肉是否屬「乾包」，亦即肉質較硬身結實，口感軟滑而非呈黏糊狀。由於榴槤過熟會使果肉帶濕，當搖晃時聽到「喀喀聲」即表示是乾包。

此外，坊間的榴槤有分為A果和BB果，BB果通常房數較A果少1房至2房，體積也會較小，惟果核同樣會偏小，果肉味道會更濃郁。

果欄檔主教3招揀靚榴槤

本港進濤菓欄負責人GiGi接受《晴報》訪問時曾表示，若要揀靚榴槤，可先從了解「樹上熟」和「摘下待熟」2種榴槤入手。

「樹上熟」：從樹上天然掉下，已經成熟，保鮮期較短，例如貓山王、黑刺。

「摘下待熟」：未完熟就收割，存放期較長，例如金枕頭。

她又提醒，成熟的榴槤要盡快食用，否則於香港的潮濕天氣下容易變質、果肉變爛。她建議若想買一整個榴槤並確保它已成熟，穩妥起見可選擇樹上熟、底部有星形的貓山王，則不怕它又生又不夠香甜。

U Lifestyle App睇盡《晴報》新聞資訊及自家節目 ↓

↓↓同步更新、更快更順↓↓

撰文：鄭婷殷

最新文章