鄧月平否認住豪宅︰抹殺我努力

鄧月平、曾樂彤及馮素波等昨日錄影港台健康節目《醫家搞邊科》，鄧月平曾因忙拍戲導致「胃穿窿」，所以現時十分注重飲食。現年25歲的她近日被指忽然富貴，除了開設中醫診所做老闆娘，又在社交網大曬居住複式獨立屋的環境，衣帽間更放滿名牌衣物。

不過，鄧月平昨日急急否認住豪宅：「之前我已經澄清，啲（豪宅）背景係唔同朋友嘅屋企，其實我豪唔豪都有share，但啲人淨係見到豪嘅一面，所以我都自嘲『凡係我走過嘅地方都係豪宅』。（唔po自己屋企？）我都有po自己貓狗。（怕被誤會有人『照顧』？）我今日（昨日）着嘅衫都係借，牌都未剪，要澄清下先。」她大呻負面報道可能影響她的形象，「好似抹殺咗我背後嘅努力，都會驚接工作時會被劏（壓價）。」

採訪、攝影︰梁紹明