與小男模拍硬照被考起 姜濤改口不想太早當爸

姜濤投資逾百萬開設個人服裝品牌「TO ZERO」，前日發放一條幕後花絮片段，姜濤除了拍攝平面照做「生招牌」外，更請來一位小模特兒一起拍攝。姜濤在片段中表示︰「大家好，我係TO ZERO嘅主理人姜濤，講呢句好爽呀！我終於都捱到呢一步，終於有自己嘅品牌。今日主要係拍攝品牌嘅平面照，亦會去睇每一件衫嘅質地同造工，可能會再更改，因為做服裝同做歌一樣，需要不停修正。」

為個人品牌親力親為的姜濤，親身上陣教小男模擺甫士，又與對方打成一片，主動揹及抱起小男模，不過小男模精力太旺盛，「玩伴」姜濤已筋疲力盡。姜濤笑謂︰「我曾經話過希望早啲生小朋友，但係我依家要收番呢句，覺得唔使咁早生，仲話要生一男一女，我覺得呢件事唔係太成立。」