名氣連累另一半求職難 方力申做女友專屬開心果

方力申（小方）昨日出席能量飲品活動，同場還有前國家體操隊隊員李大雙和前奥運金牌得主李小雙，身為前香港游泳隊代表的小方，與兩位體壇猛人見面時，話題不斷。小方笑言現時食量跟過往當運動員時差不多，但運動量大減，「以前每日游水兩個鐘，依家游半個鐘至45分鐘，食量依然好似20幾歲咁，可以食到30安士牛扒。」

不過小方透露為應付拍劇而瘦身，現時每日只食一餐，問到女友葉萱（Maple）可有陪伴一起減磅？小方表示與女友一起游水︰「我係以教練身份，唔係男友身份。」另外，提到女友呻搵工難，小方承認︰「明明收信話請佢，但轉頭又話唔請，理由係佢男朋友太出名，我聽到都覺得好荒謬。」Maple近日把分享畫作的社交網重開，作品都以淚水作主題，小方回應︰「大家睇到咩就咩，我對住佢係做個開心大使，需要我就陪佢，我係一個幽默嘅人，同我一齊都開心嘅。」

採訪︰Pauline

攝影︰林良明