太太生B一度入ICU 甄澤權愛女出世識甜笑

有「街頭魔法王」之稱的魔術師甄澤權（Louis）前日宣布榮升爸爸，愛女已於本月14日平安出世，初生的小B女面帶笑容，非常可愛！新手爸爸Louis透露，囡囡出世過程驚險又緊張，皆因太太Elffi在整個懷孕期曾出現不同病況，經常進出醫院及診所，而當晚太太身體突然轉差，醫生表示要緊急生產，於是在甚麼都未準備好的情況下，太太就被推進產房。

Louis女兒順利出世，但太太則被送往深切治療部觀察，幸好最後母女平安，囡囡更一出世就識得笑，非常精靈。Louis在產房幫忙剪臍帶，當第一次聽到囡囡喊時非常感動，因女兒比預產期提早出生，所以體重約五磅。Louis說︰「好多謝太太，希望囡囡會錫媽咪多啲。囡囡中文名未改，英文名叫Kacy，希望囡囡成為一個有夢想同勇敢嘅人，期待將來囡囡喺現場睇我變魔術！」