三孩之母宣布封肚 鍾嘉欣︰後生10年我會再生

鍾嘉欣去年10月誕下細女梁紫琳後，火速修身，近日返港開工。前晚嘉欣fit爆現身柴灣拍攝廣告，已是三孩之母的她稱不會再生小孩︰「肯定封肚，我同老公都好鍾意小朋友，如果後生十年，我可以生四至五個，依家三個夠喇，依家嘅人生目標係要身體健康、錫身啲，想陪住啲小朋友耐啲。」嘉欣一拖三返港開工，老公獨留加拿大可有微言？她說︰「佢每日都講I miss you，又空虛又寂寞，因為平時屋企好嘈，我叫佢趁呢三個星期練六嚿腹肌。」

另外，提到早前有網民批評她拒合照兼黑面，又斥她是雙面人，嘉欣對指控表示︰「我覺得沉默係最好嘅回應，因為唔係真，（有無唔開心？）當然唔想被人屈，我唔知道啲相係幾時影，如果係疫情或者懷孕期間，每個人都會遠離人群，一定有人鍾意或者唔鍾意自己，我只會繼續做好自己。」

採訪︰倪小珊

攝影︰林良明