菊梓喬5.20開騷 無預吳卓羲

菊梓喬（Hana）將於下月20日假九展舉行演唱會，昨日舉行記者會公布詳情。Hana表示520這個日子，若可以選擇跟誰示愛，她會選擇愛犬。問她為何揀愛犬不揀人？她竟笑說：「無對象。」是否意指感情狀況有變？她只表示「維持原狀」。至於會否邀請緋聞男友吳卓羲（Ron）睇騷，她說：「我自己都無飛，到時再睇下有無飛先啦，如果無飛嘅話，咪叫佢坐人哋大髀。」再追問目前單身還是有拍拖？她答得模稜兩可︰「我真係唔知，我知嘅話就話你知。」

Hana正忙於綵排，又指屆時的歌衫十分性感，「睇到啲衫同rundown，我即刻問『咁得唔得㗎？』（無底綫？）直頭超越底綫，加埋啲動作，我仲問細路仔入唔入到場，好緊張。（Ron有無過目？）過自己嗰關先。」Hana希望今次有機會加場，但要視乎售票情況，提議Ron出錢包一場？她即說：「好喎！」

採訪、攝影︰Pauline