拍《冰上火花》有得着 陳卓賢溜冰技術進步唔似企鵝

MIRROR成員陳卓賢（Ian）和呂爵安（Edan）前晚演出《西九音樂節》，Ian大唱冧歌，而Edan更跳唱女團Lolly Talk歌曲《三分甜》，相當驚喜。久未現場演出的Ian心情興奮，「因為未試過一次過唱咁多首歌，好似自己音樂上嘅馬拉松咁。」他坦言希望今年內開個人演唱會，「其實有啲歌我寫嘅時候，都幻想過唱live嘅畫面。」另外，Ian與隊友江生（AK）拍攝新劇《冰上火花》，AK在社交網分享溜冰英姿，Ian笑說：「我驚po出嚟，大家會覺得佢（AK）溜得唔好睇呀！」談到其溜冰技術，Ian說：「未至於高手，但至少唔會好似企鵝咁，唔會跌跌碰碰，我畀自己50分。」

同場的Edan談到選唱《三分甜》的原因，「今日（前晚）係愚人節，當送畀大家嘅愚人節禮物。」他笑言不用苦練嬌俏表情，「因為我行可愛路綫，靚仔路綫唔關我事。」另外，Edan澄清不覺得MIRROR有「退粉潮」，「至於話有啲粉絲唔再追，由出道第一日都有呢個情況，又唔使咁大件事，自己繼續做好啲。」

採訪、攝影︰Pauline