岑寧兒自嘲歌曲可治失眠

歌手岑寧兒（YoYo）昨日獲邀出席樓盤活動，她以其靚聲為「瑜一」售樓書聲音導航，她說︰「我覺得自己把聲幾適合，可以多啲做聲音導航，不過樓盤就真係第一次。我成日都同朋友講，失眠就聽我啲歌，可以好快瞓着，我有朋友話塞車時聽我嘅歌，個人會變得平和啲。」YoYo坦言甚少發脾氣，因為懂得自我安撫，「睇書教我如果好嬲就唔好講嘢，咁就避免講啲傷害性說話，試過去旅行成個鐘都唔講嘢，（做你另一半幾好？）呢個係假設性問題，唔答啦！」

YoYo自言是佛系歌手，有新作品才會再辦個人演唱會，但目前仍在努力創作當中。提到離世好友盧凱彤（Ellen）本月27日37歲生忌，YoYo表示︰「未知會做啲咩，但每年佢嚟嘅一日同離開嗰一日，我（紀念）嘅方式係唔安排工作，自己一個人靜靜地過。」

撰文、攝影︰楊安莉