為5月紅館騷影海報 李克勤聽老婆話真空上陣

相隔六年，李克勤將於5月13至16日再踏紅館，舉行《弦續李克勤‧港樂演唱會》。早前克勤拍攝演唱會海報時非常大陣仗，全因他希望與港樂近60人大樂隊一起拍攝。其實20年前，克勤曾與香港管弦樂團於紅館開騷，今次再合作，海報設計希望以友情為主題。

克勤在海報的造型，由太太盧淑儀全權負責，「我影相嗰日先見到啲衫，拆開個衫袋以為帶少咗襯衫，打電話畀老婆，佢話入面真空，乜都唔使着，咁先靚喎。」克勤笑言拍攝時感到涼浸浸，更有工作人員提醒他走光了，非常搞笑。此外，他透露邀請了神秘嘉賓，「有一晚會有一個來頭好猛嘅嘉賓，睇下大家買飛買唔買得中啦。」