忽然報喜榮升人夫 李治廷外地秘密娶妻

李治廷、陳小春及熊黛林（Lynn）等，昨日現身灣仔出席《紫荊文化集團2023年度影視項目發布會》，一起為劇集《守誠者》宣傳。現年36歲的李治廷日前被影到與「翻版方媛」及李媽媽飯聚，疑似帶女友見家長，昨日他否認是其女友，更衝口而出自爆︰「梗係唔係，佢係我老婆閨密。（你結咗婚？）係，幾個月前，低調啲好，我哋拍咗幾年拖，喺外地結婚，唔係喺內地亦唔喺美國。」雖然戴住婚戒現身，但李治廷以太太是圈外人為由，拒絕多談，又避談太太有否陪他返港，「佢係圈外人唔想高調，同我一樣都係混血中國人。」其後他忽然再爆︰「其實我喺微博公開咗，你哋都唔知邊個，不過實搵得番。」又表示暫未有生B計劃。

翻查微博紀錄，李治廷曾於2019年貼出與疑似女友碰杯的合照，當時透露跟一位在杜拜長大的中國籍混血兒拍拖，自己是對方的初戀，算是公開認愛。

採訪︰Steven

攝影︰林良明