自認怕醜靜候緣份 李駿傑盼遇上愛笑女孩

MIRROR成員李駿傑（Jeremy）去年推出solo歌曲，為他在頒獎禮帶來好成績，在「叱咤樂壇頒獎禮」上奪得生力軍金獎。唱盡男女之間悲歡離合的Jeremy，現實中的愛情觀卻相當佛系，自認害羞不敢採取主動，只會靜待緣份到來。

李駿傑近日推出新歌《Closer》，歌詞描繪戀人未滿之曖昧期，他的參與度很高，跟填詞人雷暐樂再三溝通，最後歌詞改了足足八次；而MV方面，Jeremy也注入個人想法，跟排舞師不停調整，希望舞步上配合歌曲主題。

未成為戀人前，都經歷兜兜轉轉的曖昧階段，Jeremy自言拍拖經驗不多，更自爆是怕醜仔一名，「中學階段，上堂不經意掂到對方隻手…有時見到心儀嘅人望住自己，就即刻怕醜，喺曖昧期，我好佛系唔會主動。我又好鍾意睇韓國戀愛綜藝節目，曖昧階段係好肉麻嘅，佢哋啲肢體接觸睇到人好開心，我鍾意睇人哋多過想自己經歷，我都覺得自己唔正常，哈哈。」自言性格怕醜又含蓄，不敢追求別人，但強調為人專一。他又自稱擇偶條件不高，希望能遇到愛笑的另一半，「笑得靚嘅女仔好吸引我，笑容甜美能夠令我眼前一亮。」

當朋友的最佳聆聽者

獲公認為暖男的Jeremy，十分在意別人的感受，常常擔當朋友們的聆聽者，「朋友搵我傾訴心事，我先聽咗佢哋講乜，之後先會畀意見。我都算係care人哋感受，有時人哋搵你傾訴，只係想有人聽下佢哋講嘢，而未必係想你畀feedback佢。」Jeremy入行三年多，去年成績不錯，成為他的強心針，他希望用音樂影響別人，為大家帶來安慰及共鳴，繼續貫徹暖男作風。

髮型︰Lydia Yung@CHIC PRIVATE i SALON

化粧︰Cherie Wong@Annie G. Chan Makeup Centre

服裝︰Ports V,Rickyy Wong, Christian Louboutin

場地︰HERE Studio

攝影︰何家賢

美術︰悠然

撰文︰王連連