被郭偉亮大爆黑材料 杜如風呻單身9年無拖拍

由郭偉亮（Eric Kwok）和劉浩龍等主持的《鋪鋪Poker》，日前請來杜如風和黃山怡（糖妹）擔任嘉賓。與杜如風相識多年的Eric Kwok，節目一開始即大爆對方黑材料，「其實呢15年我哋班朋友都放棄咗倫仔（杜如風），佢係一個無責任感、淨係顧住玩、從來唔會守時嘅人，好離譜。」不過令Eric Kwok相當震驚的是，她已180度巨變，現時生活有規律兼事業心重。杜如風笑稱因為擔心「無得撈」，所以改過自新，為了拍攝旅遊節目《解風東京》，更努力減肥20磅。

杜如風又自爆九年無拍拖，坦言恨有男朋友，奈何沒有追求者，「係香港已經無（追求者），我想講做咗十幾年旅遊節目，都從來無艷遇。」她笑言目前擇偶要求已經不高，有齊眼耳口鼻就可以，笑爆全場。