屈臣氏鼓勵女性跳出框框 綻放真我

今日係國際婦女節，但係屈臣氏集團早前調查發現，1.1萬名受訪女性中超過一半自認自信不足。黛安收到風，屈臣氏今日起會推出「DARE TO BE綻放真我」計劃，鼓勵全球女性跳出既定框框、敢想敢創，成為新時代更具個性同堅強嘅女性。

今次計劃分3部分，其中屈臣氏過去一段時間同「微笑行動」合作喺各地推行慈善計劃，由「全女班」醫療團隊為超過6,000名兒童進行免費唇顎裂修復手術；嚟緊又會贊助香港女青年會「棗點愛」慈善計劃，藉資助多項婦女服務項目，令唔同界別婦女活出健康自主人生。

屈臣氏本月起亦會喺各地舉辦唔同活動、工作坊及女性分享會，冀推動性別平等，例如喺馬來西亞會有患上白蝕症嘅時裝模特兒、殘障單車運動員同女性慈善機構領袖分享故事，更多詳情將喺官網公布，大家要留意喇。